Агульная інфармацыя, кантакты

  • Этапы навучання: першы – дзеці ад 7 да 12 год, другі – ад 12 да 17 год з далейшым пераходам у маладзёвае брацтва.
  • Навучальны год пачынаецца ў сярэдзіне верасня і працягваецца да канца мая.
  • Заняткі праходзяць у класах прыходскага цэнтра (будынак насупраць сабора).
  • У часе навучальнага года нядзельная Боская літургія для выхаванцаў, выкладчыкаў і бацькоў служыцца ў Свята-Вольгінскім храме.

Нядзельная школа пры Свята-Пакроўскім кафедральным саборы г. Гродна пачала сваю працу ў 1994 годзе па ініцыятыве настаяцеля сабора протаіерэя Генадзія Яблонскага. Першым дырэктарам школы быў прызначаны іерэй Аляксандр Галавін, а завучам школы стала прыхаджанка сабора – Кузаўлева Галіна Васільеўна.

Адной з асноўных праблем дзейнасці нядзельнай школы ў першыя гады пасля яе адкрыцця стаў востры недахоп памяшканняў для вучэбных класаў. Паступова сітуацыя вырашылася дзякуючы добраўпарадкаванню будынкаў прыходскага дома пад навучальныя аўдыторыі. Праз абмежаваныя ўмовы набор у нядзельную школу абмяжоўваўся 70-80 вучнямі. Тэрмін навучання ў нядзельнай школе першапачаткова разлічваўся на 5 год.

У 1996 годзе адбываецца рэарганізацыя дзейнасці нядзельнай школы. Дырэктарам школы ўказам Праасвяшчэннейшага Арцемія, епіскапа Гродзенскага і Ваўкавыскага, быў прызначаны іерэй Аляксандр Хомбак. Уладыка Арцемій, маючы асабісты досвед працы ў нядзельнай школе, сам праводзіў некаторыя ўрокі і накіроўваў працу выкладчыкаў.

У 2018 годзе нядзельная школа пры Свята-Пакроўскім кафедральным саборы налічвае 210 вучняў. Праграма навучання ў нядзельнай школе разлічана на 10 год і ўключае ў сябе дзве адукацыйныя ступені: пачатковую і сярэднюю.

Штогод Свята-Пакроўскі кафедральны сабор праводзіць дзіцячы праваслаўны злёт “Пакроў”.

Кантакты:

  1. Духаўнік нядзельнай школы – айцец Аляксій Саўко: +375297756971 (МТС).
  2. Дырэктар нядзельнай школы – Барадзінчык Юлія Сяргееўна :+37529 757 9245 (МТС).
Свято-Покровский кафедральный собор Гродно, воскресная школа
Свято-Покровский кафедральный собор Гродно, воскресная школа
Свято-Покровский кафедральный собор Гродно, воскресная школа